In-ûzèdje pus djusse di l’årdjint, ine Eûrope pus près dès-omes

Le 7 juin, en plus d'élire les députés régionaux, vous serez amené à désigner vos représentants à l'Europe. Parti d'une idée originale, le PS vous présente son programme en wallon (Et pour ceux qui ne comprennent pas le wallon, ça se passe par ici.) Notre Fédération présente une jeune candidate de choc et de charme pour laquelle je vous encourage de voter, il s'agit de Fabienne Winckel, 4e suppléante sur le liste PS à l'Europe !

Li lèction dè PS an dî pwints

1. Ahouwer lès travalieûrs èn-Eûrope.

Li PS plète po qu’on ‘nnè vinse rademint à s’mète d’acwérd so lès gangnèdjes èn-Eûrope. L’îdèye èst dobe : garanti on minme salère po on minme ovrèdje, èt assûrer on gangnèdje minimum accèptåbe po turtos divins tos lès-Ètats mambes. Li PS riboute li concurance dès dreûts sôciåls. I considère qu’on salère minimum accèptåbe, divins l’Eûrope, è-st-on prumî pas nècèssêre po sèrer l’caracole dè « dumping » sôciål dès salères.

Li PS vout ossi qu’on rafwèrcih li diminsion sôciåle, èt tot çou qui toûne-åtoû, d’vins lès-arindjemints intèrnacionåls di comèrce, notanmint, fé l’dreût ås-akes di fondemint di l’Intèrnacionåle Ôrgånizåcion di l’Ovrèdje, insi qu’dès décintès condichons po-z-ovrer.

2. Mète-à pont on Pake Eûropèyin dè Progrès Sôciål (PEPS)

Po l’PS, on Pake Eûropèyin dè Progrès Sôciål deût al fèye êdî l’économique èt l’sôciål di l’Ûniyon à s’acrèhe, èt toûrsî disconte li pôvrité èt lès-inégålités. I sadjih, avou l’PEPS, dè tracer l’vôye dès-Ètats mambes divins dès dôminnes come li santé, l’éducåcion èt l’mutuwåle assistince.

3. Réguler l’monde di l’årdjint

Po fé front al crîse di tot-asteûre, li PS mèt’ èn-avant :

- di n’pus-accèpter lès « fonds d’investissemnts » qui s’trovèt d’vins lès paradis wice qui l’årdjint èst mêsse ;
- Dè prinde ine pårt so lès sûtis placemints dèl boûsse po-z-êdî on fond mondiål di copèråcion à l’acrèhèdje ;
- Li crèyåcion d’in-Interpol di l’årdjint po l’monde ètîr afis’ dè tchèssî èvôye lès-abus dè martchî èt lès frawes avou lès çanses ;
- Li signateûre d’on « Kyoto di l’årdjint », on trêté po réguler èt controler lès martchîs d’l’årdjint d’vins l’monde.

4. Èstimer lès lîbèrålisåcions

Li PS dimande ine sôciåle èstimåcion dès lîbèrålisåcions èt qu’on ‘nnè raminde lès fèblèsses. S’il atome, on deût prinde dès mèzeûres d’ècådrumint dè martchî èt n’admète qui cèrtinnes fôrmes d’êde publique.

5. Disfinde lès chèrvices publics

Sacwants dominnes di l’årdjint ni polèt dipinde dès lwès dè martchî. Li crîse lîbèråle d’asteûre mosteure hôt-èt-clér qu’i nos fåt in-Ètat stokès’ po-z-assûrer ås djints dès adjihants chèrvices publics. Li PS propôse qu’on prinse ine mèzeûre po protéjer lès chèrvices publics divins tote l’Eûrope.

6. Mète so pîds on plan eûropèyin di duråbe acrèhèdje

Li Ps aspôye l’ètablih’mint d’on plan eûropèyin d’acrèhèdje si r’pwèzant notanmint so ine aliyance “amplwè-anviron’mint”. Afis’ dè crèyer 10 millions d’novês amplwès po 2020 so l’Eûrope, avou dès foû grands-invèstis’mints d’vins lès dôminnes qui spågnèt l’énèrjie, di l’éco-construcsion èt di l’éco-rinov’lèdje, qui polèt rinde pus hêtîs lès trihes èt lès målès têres, dèl diminucion dès gåz’, dèl prôtècsion d’l’êwe, dè trêtemint dès måssîstés, èt dèl duråbe môbilité.

7. Rmète d’adram’ li Banque Centrale Européenne

Po l’PS, li Banque Centrale Européenne deût porçûre sès plans d’crèhince di l’amplwè insi qu’si lûte disconte l’inflacion divins s’goviène dèl politique di l’årdjint. Po çoula i fåt tot-à-fêt.raminder sès statuts

8. Distoumer lès gåz’ qui n’si floup’tèt nin èvôye

Li PS vôreût qu’è 2050 è l’Eûrope, on seûye quåsî à rin avou lès gåz’qui fèt ‘ne nûlèye å d’zeûr di nos tièsses. Tot fant çoula, l’Ûniyon Eûropèyinne rafwèrcirè si dôminante pôzichon so lès-ôtes payis dè monde, po çou qu’èst dèl politique dès siyinces èt d’l’économique. Po-z-î ariver èle f’rè l’rèclame dès novèlès tècniques qui apwèrtèt ine sacwè d’noû d’vins lès transpôrts, li mîse à houte dès mohones, les spågnes d’énèrjie èt l’producsion d’énèrjie qui s’alouwe nin.

9. Garanti ine politique d’akeûy èt ine compatihante imigråcion

Li PS ètind fé eune di sès lèctions dè candjemint dèl régue di « ritoûr » (po rèvoyî lès-ètrindjirs qui n’ont nin lès papîs po poleûr dimani chal). Po l’PS, i fåt :

- Nin rèssèrer pus d’deûs meûs lès cis qu’i n’ont nou papîs po d’mani chal ;
- Disfinde dè rèssèrer lès-èfants èt lès familes divins dès « çantes èclôs » ;
- Mète so pîds on djusse contrôle dè rèssèrèdje ;
- Mète ine bårîre à l’ûzèdje dèl fwèce dès cis qui s’ocupèt d’rèvoyî lès djins ;
- S’abouhî d’on contrôle indèpandant po lès régues di rèbalemint.

10. Assûrer d’l’amagnî po tot l’monde

Po l’PS, c’è-st-on fondemint qui tot l’monde sol têre poye trover di l’amagnî å pris l’pus djusse. Adon i d’mande qui l’Ûniyon Eûropèyinne intèrvinse po casser li spéculåcion dès mårtchîs d’l’årjint po çou qu’èst d’l’amagnî.